التشيز كيك اكيد كلنا عارفنها هنقول طريقة ليها دلوقتى
سهله وبسيطه و مش مكلفة و مكوناتها موجودة فى كل
بيت هنحضر 4 باكو بسكويت سادة اى نوع و كيس كريم
شانتيه و باكو جيلى و 6 قطع جبنه مثلثات و ملعقة واحده
زبدة و شرائح فراولة هنفرم البسكويت كويس جدا و نضيف
عليه ملعقة الزبده و بعدين نجيب قالب نحط فيه ورقة زبده
ونحط البسكوت و نضغط عليه جامد و نحضر الكريم شانتيه
و نضيف عليه الجبنه المثلثات و 2 ملعقة سكر و نضربهم
بالمضرب الكهربائى كويس لحد ما يتجانس تماما و نضيفه
على البسكويت و نسيبه فى الفريزر ساعتين نكون حضرنا
الچيلى و ضيفنا عليه شرائح الفراوله ونسيبه يبرد و لما
نتأكد ان خليط الكريمه اتجمد نضيف عليه الچيلى و نسيبه
فى الفريزر ساعتين تانى ونطلعه وبالهنا والشفا
حلويات بالبسكويت سهلة التحضير
حلوى البسكوت اللذيذة
حلوى بالبسكويت سهلة التحضير
